Kilik kachedan dunji abangphu atum PSO pipe: Election obse

Diphu, Aru 26: Pini Diphu Circuit House conference hall along Karbi Anglong Autonomous Council kilik a observer pen kilik kachedan dunji abangphu lapen law & order atum aphan mai pangni.
Mai along non kevangji Vosik 17 arni kapadoji KAAC kilik ahut tangka kapadam nangji alam heihui mai along chingvai. Non kevangji kilik along kachedan dunji abangphu-phi atum kedopik ajoine kilik kachedan dunji abangphu atum aphan Personel Security Officer pi un-eh det lo pusi election observer pen mai along pangdak. Jongsi kilik kachedan dunji abangphu angbong pen komatne ahavar along kether kehap mate kaphere meme angthek dokok pulote nang pachini noi nelitum pen keton kelang heihui nang thik pi dunpo puta mai along election observer pangdak.
La-an chot kali, government akhi adat along poster, kilik kapachethang alam ketok asai deng longle. Jongsi komatne patoite pen government akhi adat along poster lapen kilik kapachethang alam tok det lapen government atum pen paprai dam nangkok pulote kapaprai dam ahut kedam atangka anke kilik kachedan dunji abangphu aphan kehotpi atangka Sika lakh 3.50 pensi ingthan dunpo puta mai along KAAC Election observer pangdak lo.
La-an chot kali laso amai along kilik kapachethang atum pen hormu ke-en ahut anam kipi nangji aphuthak ta election observer atum pen pangdak.
Mai along Diphu LA lapen Howraghat LA angkang kedo a constituency along kilik kachedan dunji abangphu atum ongdung chetong dun. La-an chot mai along Karbi Anglong a DC Adil Khan lapen SP G.V. Sivaprasad atumta mai along chetong dun.
Karbi Anglong Autonomous Council kilik along ratchari pen danglok songve atum kachedan dunji atum tangka kapadam nangji aphai la aber kejong henlo.