Pini Diphu rongsopi angkang Rongker arkli dun rinti
Diphu, Arkoi 5: Aningkan vang ason thakthaksi pining aningkan apharman Karbi Anglong ahavar tin arong tin methang than-theli, rong-rup, chotiki-chotkam amo, keso kI-un-eh heihui pen chenglok ason-ason akisung-keboi pen kachepajok thekji aphan KAAC pen kapathik ateng Arkoi 5 arni Honghari adhorom kirim atum pini Rongker arkli dun rinti.
Lasonsi pini Diphu rongsopi kaprek-kaprek adim along ta rongker arkli dun rinti. Sonsi rongsopi, Rongtharve, Hemari Bey arong, Sankur Anglong, Ser Anglong, Taralangso 1 (Ward 4), Panbari Rongchingrum, Chirikangnep, Taralangso angkang pen chenglok kaprek-kaprek adim along rongker arkli dunsi than-theli arnam along hirjume hang dun rinti. Jasemet Inglongkiri arnam, Diphu Athan, Hemphu, Murti chekama pen chenglok methang-methang arong ahavar athan arkli dun rinti lo.
Pinpurme, KAAC kachari kethe-kiding atum kechepathekjam ajok rongker karkli dunji aphan Karbi Anglong angkang ephong vet chiklo ejon angbong angdi angdon pen rongker karkli dunji aphan kapathik thedet ajoksi komane atum ke Arkoi achiklo 5 arni lapen komane arong abang ke Thangthang achiklo 5 arnisi pathik lo. Lasi ajahak arong atum ke pinisi rongker arkli dun rinti lo lapen ajahak arong arat atum ke kevangji Thangthang achiklo 5 arnisi rongker karkli dunji aphan chesik-chedang rinti lo.
Lasonsi pini Diphu rongsopi kaprek-kaprek adim along ta rongker arkli dun rinti. Sonsi rongsopi, Rongtharve, Hemari Bey arong, Sankur Anglong, Ser Anglong, Taralangso 1 (Ward 4), Panbari Rongchingrum, Chirikangnep, Taralangso angkang pen chenglok kaprek-kaprek adim along rongker arkli dunsi than-theli arnam along hirjume hang dun rinti. Jasemet Inglongkiri arnam, Diphu Athan, Hemphu, Murti chekama pen chenglok methang-methang arong ahavar athan arkli dun rinti lo.
Pinpurme, KAAC kachari kethe-kiding atum kechepathekjam ajok rongker karkli dunji aphan Karbi Anglong angkang ephong vet chiklo ejon angbong angdi angdon pen rongker karkli dunji aphan kapathik thedet ajoksi komane atum ke Arkoi achiklo 5 arni lapen komane arong abang ke Thangthang achiklo 5 arnisi pathik lo. Lasi ajahak arong atum ke pinisi rongker arkli dun rinti lo lapen ajahak arong arat atum ke kevangji Thangthang achiklo 5 arnisi rongker karkli dunji aphan chesik-chedang rinti lo.
Comments
Post a Comment