HSLC asatlang angthek, 31.72 pen Karbi Anglong aphisi kedo
Diphu, Vosik 1: Atumi Aru 31 arni keklang SEBA kelang HSLC asatlang angthek Assam adang pen satlang ki-un aphant 47.54 anvetsi longlo.
Assam arlo kedo state 27 angbong pen HSLC satlang ki-un angthek kememuchot a district ke phant 65.86 kelong Nalbari District hen lo. Laso angbong aphisi ke phant 31.72 kelong Karbi Anglong district hen lo.
Assam adang pen kado kave bang 372640 atum HSLC satlang tok dun lo, laso angbong pen bang 54955 atum 1st division, bang 80179 atum 2nd division lapen bang 43522 atum 3rd division pen satlang cheapa-unsi kado kave satlang ki-un aphai bang 178656 an pen phant 47.54 pale lo.
Laso angbong kechengsi angdeng along kedo Assam pen satlang ki-un aphant 65.86 kelong Nalbari District along kado kave satlang ketok atum bang 10,647 atum HSLC satlang tokdun lo. Laso angbong pen bang 2440 atum 1st division, bang 3286 atum 2nd division lapen bang 1286 atum 3rd division pen cheap-unsi kado kave bang 7012 atum HSLC satlang chepa-unsi Assam a district 27 angbong pen Nalbari district satlang ki-un kemenai district aman chodeng lo.
Lapu Karbi Anglong arlo quality education pu kehangkong a district pining anke abersi mate satlang ki-un aphai kijumnai a district si man lo. Non aphong HSLC satlang angthek along 31.72 chepalongsi Karbi Anglong kado kave a district pen abersi alongsi adim cheselam dun lo. Pinpurme, Karbi Anglong pen kado kave bang 15554 satlang tokdun, laso angbong bang 1254 atum 1st division, bang 2355 atum 2nd division lapen bang 1324 atum 3rd division chepalongsi kado kave bang 4933 atum HSLC satlang chepa-un lo.
Karbi Anglong lapuson kacharli ahin kapaphinai a district keman det ke, Karbi Anglong arlo kedo loh charli ahamphang atum aphan kamatha kaparsik nangji akenang thedung lo. La-an chot kali KAAC education, primary lapen higher education kelang arpu kedo a EM atumta kamatha kaparsik nangji thedung khangjang lo. Athe non HSLC satlang chot kali bonta Aru 30 arni keklang HSSLC satlang angthek alongta Karbi Anglong asatlang angthek kemesen kali.
Assam arlo kedo state 27 angbong pen HSLC satlang ki-un angthek kememuchot a district ke phant 65.86 kelong Nalbari District hen lo. Laso angbong aphisi ke phant 31.72 kelong Karbi Anglong district hen lo.
Assam adang pen kado kave bang 372640 atum HSLC satlang tok dun lo, laso angbong pen bang 54955 atum 1st division, bang 80179 atum 2nd division lapen bang 43522 atum 3rd division pen satlang cheapa-unsi kado kave satlang ki-un aphai bang 178656 an pen phant 47.54 pale lo.
Laso angbong kechengsi angdeng along kedo Assam pen satlang ki-un aphant 65.86 kelong Nalbari District along kado kave satlang ketok atum bang 10,647 atum HSLC satlang tokdun lo. Laso angbong pen bang 2440 atum 1st division, bang 3286 atum 2nd division lapen bang 1286 atum 3rd division pen cheap-unsi kado kave bang 7012 atum HSLC satlang chepa-unsi Assam a district 27 angbong pen Nalbari district satlang ki-un kemenai district aman chodeng lo.
Lapu Karbi Anglong arlo quality education pu kehangkong a district pining anke abersi mate satlang ki-un aphai kijumnai a district si man lo. Non aphong HSLC satlang angthek along 31.72 chepalongsi Karbi Anglong kado kave a district pen abersi alongsi adim cheselam dun lo. Pinpurme, Karbi Anglong pen kado kave bang 15554 satlang tokdun, laso angbong bang 1254 atum 1st division, bang 2355 atum 2nd division lapen bang 1324 atum 3rd division chepalongsi kado kave bang 4933 atum HSLC satlang chepa-un lo.
Karbi Anglong lapuson kacharli ahin kapaphinai a district keman det ke, Karbi Anglong arlo kedo loh charli ahamphang atum aphan kamatha kaparsik nangji akenang thedung lo. La-an chot kali KAAC education, primary lapen higher education kelang arpu kedo a EM atumta kamatha kaparsik nangji thedung khangjang lo. Athe non HSLC satlang chot kali bonta Aru 30 arni keklang HSSLC satlang angthek alongta Karbi Anglong asatlang angthek kemesen kali.
Comments
Post a Comment