stop the unrule

Diphu, Matijong 16: Central sorkar atum Karbi Anglong arlo kedo Bodo akhei atum aphan inglong aso ajakong ST(H) ajakong kipiji aphan kachisik aphuthak KAAC CEM Tuliram Ronghang ningduk chipisi laso aphuthak ingtangrak khamkhe lo lapen masap oh ta chedon dun thekthe pusi pini CEM Tuliram Ronghang birta pangdak. CEM Tuliram Ronghang kapangdak thu ke kedamtang MLA kilik aprang setame Langhin Constituency MAC Sarat Brahma lapen Bodo akhei hamphang asong asongja atum Karbi Anglong arlo kedo Bodo akhei atum aphan ST(H) ajakong kachepalongji aphan pura KAAC pen kachekroi alo NOC along nangpi dun nangji pu ahut ta khei lapen longrisi kethelang pu mathasi KAAC atum pen ke chekroi dunde thip lo lapen Sarat Brahma aphan EM arpu penta pasun tuk lo. Lasi non central sorkar atum lapuson kheiso mate Karbi akhei atum aphan kapavirji abidi langno keklem along KAAC pen ke chedon dun thekthe puta CEM Tuliram Ronghang ingtangrak khamkhe. Laso aphuthak prapjin pen Delhi arongsopi along damsi prime minister Narendra Modi pen home minister Rajnath Singh atum pen kachetong damji aphan chisik bom lo puta CEM Tuliram Ronghang pangdak.